skip to Main Content

ПОА на Вранишковски го доби случајот пред судот во Стразбур

ПОА на Вранишковски го доби случајот пред судот во Стразбур
  • 24.04.2018

Големиот Совет на Европскиот суд за човекови права во Стразбур ја одби жалбата на Владата, со што пресудата за регистрација на Православната Охридска Архиепископија стана правосилна.

„Ја известуваме јавноста дека Големиот Совет на Европскиот суд за човекови права во Стразбур, во април 2018 год., ја одби жалбата на Владата на Македонија, со што претходно донесената пресуда за регистрација на Православната охридска архиепископија стана правосилна“, соопштија денеска од ПОА.

– Судот во Стразбур пресуди дека државата е виновна што не нè регистрирала, бидејќи со тоа ја прекршила Конвенцијата за човекови права, која ја има потпишано. Владата се жалеше на Големиот Совет во Стразбур, но Советот, за многу кратко време, ја одби жалбата и ја потврди пресудата. Со таа пресуда, ќе поднесеме барање до судот за регистрација. Со оглед на тоа што Конвенцијата е над државното законодавство, судот ќе треба да нè регистрира – вели владиката Давид од ПОА.

Во ноември 2017 година, Европскиот суд за човекови права во Стразбур донесе пресуда дека Владата на Македонија, со тоа што не ја регистрирала канонската Охридска архиепископија, ги прекршила Членот 11 и Членот 9, т.е. ги прекршила слободата на здружување и слободата на мислата, совеста и религијата, кои била обврзана да ги почитува согласно на меѓународната Конвенција за човекови права, која ја има потпишано.

Во февруари, 2018 год., Владата на Македонија одлучи да се жали пред Големиот Совет на споменатиот суд, во однос на донесената пресуда.

Back To Top