skip to Main Content

ОЈО поведе постапка за дилер на дрога од скопско Арачиново

ОЈО поведе постапка за дилер на дрога од скопско Арачиново
  • 12.03.2019

Основното јавно обвинителство Скопје поведе истражна постапка против едно лице  од скопско Арачиново, поради постоење на основано сомнение за сторено кривично дело неовластено производство и пуштање во промет на наркотична дрога кокаин.

– При извршен претрес во просториите на домот во кој живеел осомничениот и во подрумските простории пронајдени се вкупно 128,63 грама наркотична дрога – кокаин. Дрогата била подготвена за продажба во црна торба и поделена по полиетиленски кеси. Кај осомничениот при претресот од страна на службени лица  е пронајдена и дигитална вага, како и поголем износ на парични средства, информираат од ОЈО.

Надлежниот јавен обвинител од Основното јавно обвинителство Скопје, се наведува во соопштението, ценеше дека се исполнети законските основи, па до судија на претходна постапка при Основниот суд Скопје 1 Скопје достави предлог за определување на мерката притвор за осомниченото лице, кое се гони за сторено кривично дело неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.

Back To Top