skip to Main Content
ТОП ВЕСТИ
Собраниската Комисија утре ќе ја започне дебатата по уставните амандмани
Со дополнителни докази на одбраната продолжува судењето за „27 април“
Трајковски по посетата на Груевски во Будимпешта, без коментар пред денешното рочиште за насилството во Центар
Во Врховен расправа по жалбата на Митриновски околу неговото разрешување
Мицоткаис до Ципрас: Не ја спасивте Македонија, туку отстапивте македонска националност и јазик
Гутереш: Преспанскиот договор е пример за мирно решавање спорови
1ТВ достапна на Тотал ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK

Османи со поддршка за истрагата на СЈО, вели дека како министер не отстапувал од законите

Османи со поддршка за истрагата на СЈО, вели дека како министер не отстапувал од законите
  • 11.10.2018

Вицепремиерот Бујар Османи денеска изјави дека како министер за здравство секогаш работел согласно законот и во интерес на граѓаните на Република Македонија и дека очекува да се расчистат сите дилеми по однос на некакво негово вклучување во сомнителни злоупотреби во Министерството за здравство.

– Мојот личен став и партискиот став е целосна поддршка на работата на Обвинителството. Неколку години демнеат овие шпекулации во врска со некакви сомнителни злоупотреби во Министерството за здравство. Јас бев еден од тие што инсистирав на истрага, ако ги следите моите јавни настапи отсекогаш сум барал што побрзо да се отвори истрага, бидејќи навистина нема потреба да стои постојано како дамка, евентуално сомнеж за моето работење, изјави денеска, вицепремиерот Османи во Куманово, одговарајќи на новинарски прашања во врска со истрагата на СЈО во нов предмет против повеќе лица, меѓу нив и за него како тогашен министер за здравство.

Османи истакна дека и тој и неговата партија веќе побарале целосна истрага за нивните функционери од 2002 година, па наваму.

Посочи дека му е драго што конечено е отворена оваа истрага, чија улога како што рече, е да ги утврди и фактите. Во контекст на тоа, Османи додаде дека очекува Обвинителството побрзо и што поефикасно да заврши со истрагата.

Тој нагласи дека како министер за здравство донел стотици, илјадници решенија за бројни проекти кои, како што додаде, се уште ги користат граѓаните.

– Јас видов во тоа што можев да прочитам и одреден превид. Понудата е 20 милиони поевтина, а не поскапа отколку второрангираната, меѓутоа, сепак ќе оставам што побрзо СЈО и институциите да ги расчистат овие факти, а јас стојам на располагање во секое време. Жал ми е што претходно не сум бил поканет, пред да биде споменато моето име за да можам да ги кажам фактите, меѓутоа во најголема политичка морална или каква  било друга  одговорност, можам да потврдам дека апсолутно нема никаква девијација од законите при сите постапки во Министерството за здравство, рече Османи.

Одговарајќи на новинарски прашања, Османи рече дека изминативе години слушал секакви шпекулации и  додаде дека негова интенција е да се отвори истрагата, оти не отстапувал од законот.

– Не можам да прејудицирам, СЈО има обврска да отвори истрага за секој сомнеж, за секој прислушкуван разговор, мој личен интерес беше што побрзо, бидејќи две, три години слушам секакви шпекулации мое инсистирање беше што побрзу да се овори истрагата и да се констатираат фактите. Јас сум убеден дека фактите можам и во кој било момент да ги приложиме дека апсолутно  нема никакво отстапување во ниту една буква од законот во која било постапа во Министерство за здравстви, рече Османи.

Во однос на обезбедната бројка на пратеници кои ќе ги изгласаат уставните измени, Османи рече дека се оптимисти и дека има двотретинско мнозинство во Собранието за уставните  измени.

– Се разбира дека тоа ќе треба да го видиме во понеделник. Меѓутоа, тоа што е важно е дека тоа двотретинско мнозинство нема да биде потребно само при првото гласање, ќе биде потребно и при последното гласање, што ќе биде после три месеци. Очекуваме дека ќе има различни видови притисоци, така што тоа го прави комплексен целиот процес на уставни измени, меѓутоа секој сфаќа дека алтернатива на недонесување на одлука сега во Собрание е многу непредвидлива, многу опасна за државата, изјави Османи.

Тој негираше какви било притисоци до него.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top