skip to Main Content
ТОП ВЕСТИ
Германски печат: ЕУ земјите подготвени да ја прифатат само Северна Македонија
Расмусен: Земјите од ЕУ не можат да ѝ ја негираат на Македонија иднината што ја бара
Шекеринска: Земјава за една година направи скок од 23 места во однос на стабилноста
Новата амбасадорка на САД во земјава положи свечена заклетва
Сведок од УБК: До системот за прислушување се пристапуваше и надвор од МВР, од поранешниот Аеро клуб
Министерството за правда ги објави извештаите од надзорот во судовите за АКМИС системот
ОН: Светот до 2050 година ќе брои 9,7 милијарди луѓе
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Началникот на ГШ на Армијата Ѓурчиновски на средби во Пентагон

Началникот на ГШ на Армијата Ѓурчиновски на средби во Пентагон
  • 05.03.2019

Началникот на генералштабот на Армијата, генерал-потполковник Васко Ѓурчиновски, кој се наоѓа во работна посета на Соединетите Американски Држави, во текот на вчерашниот ден имаше средби во Здружениот штаб на Вооружените сили на САД, во Пентагон.

Во Пентагон, соопшти денеска Канцеларијата за односи со јавност во ГШ, генералот Ѓурчиновски се сртенал со директорот на Националната гарда на Армијата на САД, генерал потполковник Тимоти Кадеви, со началникот на штаб на Армијата на САД генерал Марк Мејли и со началникот на штаб на Директоратот за стратегија, политика и планирање на Здружениот штаб, Адмирал Редм О’Конор.

На средбата на генералите Ѓурчиновски и Кадеви се разговарало за заедничките активности во 25 годишната воена соработка што ја имаме со Националната Гарда на Вермонт, која согласно постигнатите резултати се наоѓа меѓу самиот врв на партнерската програма за соработка на САД. Од страна на генералот Ѓурчиновски била искажана благодарност за досегашната поддршка и помош во нашите досегашни интегративни процеси.

На средбата со генерал Марк Мејли, кој е номиниран за следен началник на Здружениот генералштаб на Вооружените сили на САД, било истакнато значењето од заедничките вежбовни активности и обука во достигнатото ниво на интероперабилност со НАТО постапките.

Како потврда на взаемната воена соработка е нагласено претстојното изведување на големата заедничка воена вежба „Одлучен удар“, на која ќе бидат презентирани нашите достигнати стандарди во изедувањето на активностите како рамноправен НАТО партнер.

Пред Адмиралот О’Конор, како најодговорен за планирањето на Здружениот штаб, стои во соопштението, е презентиран процесот на трансформација и плановите за модернизација на нашата Армија до 2028 година, како и планираните активности кои ни претстојат како полноправна членка на НАТО Алијансата.

Како што е најавено, во следните денови генералот Ѓурчиновски ќе оствари средба со директорот на Агенцијата за одбранбена безбедносна соработка, генерал потполковник Чарлс Хупер, а ќе го посети и Вермонт, каде што ќе има средба со новоназначениот командант на Националната гарда на Вермонт, полковник Грегори Најт. В петок делегацијата ќе присуствува на воената свеченост по повод примопредавањето на должност командант на Националната гарда на Вермон.

Back To Top