skip to Main Content

Мицкоски ја најави „последната пресметка“ – Николоски очекува оставка од Заев

Мицкоски ја најави „последната пресметка“ – Николоски очекува оставка од Заев
  • 17.10.2019

Лидерот на ВМРО-ДПМНЕ Христијан Мицкоски од Гевгелија им порача на сите граѓани на земјава да веруваат во подобра иднина и најави дека од денеска опозицијата излегува на улиците и плоштадите.

– Знам дека ова се тешки моменти, знам дека сите ние очекуваме да добиеме чист датум за отпочнување на преговорите со ЕУ. Сите ние веруваме во европска иднина и ќе продолжиме да веруваме, но нема да нè водат политичари лажливци, коишто само ветуваат, а  ништо не исполнуваат, рече Мицкоски.

Додаде дека доаѓаат честити луѓе, со силна биографија кои знаат како треба Македонија да ја внесат во семејството на европските народи и дека тоа го може само идната влада која ќе ја предводи ВМРО-ДПМНЕ веднаш по предвремените парламентарни избори.

Во своето обраќање лидерот на опозицијата рече дека како партија му дале шанса на процесот и рече дека  „17 октомври е денот кога завршува концесијата“, ден кога завршува трпението на ВМРО-ДПМНЕ и дека денес ги повикува сите да се придружат за, како што рече, да изгрее вистинското сонце на слободата во Македонија.

– Од денеска за опозицијата 24 часа на ден домот ќе биде плоштадот, улицата, вратата на нашите соседи и нашите сограѓани ширум целата Македонија. Сите сме ние денес иста генерација и делиме иста судбина. Од денеска започнува последната пресметка, од денеска ја најавувам големата победа на ВМРО-ДПМНЕ и коалицијата „За подобра Македонија“, рече Мицкоски.

Потпретседателот на ВМРО-ДПМНЕ Александар Николоски пак, во гостувањето во емисијата 10 минути на ТВ21 изјави дека очекува в понеделник премиерот Зоран Заев да си поднесе оставка и веднаш да се распишат избори. На новинарското прашање кој датум за избори за нив е прифатлив, Николоски одговори дека сто дена после понеделник е најприфатлив за одржување на избори, односно веднаш.

„Очекуваме веднаш да влеземе во процесот на техничка влада и според Уставот и законите, за 100 дена да се оди на предвремени парламентарни избори, “ изјави Николоски.

Според негопричината не е само ситуацијата со датумот за старт на преговорите со ЕУ, туку и поради неможноста да се спроведат реформите и како што вели, лошата економска состојба на граѓаните.

Архивска фотографија

Back To Top