skip to Main Content

Макрадули: Пресудата од Стразбур не е за мене туку против систем што уништи многу луѓе

Макрадули: Пресудата од Стразбур не е за мене туку против систем што уништи многу луѓе
  • 26.07.2018

За пресудата на Европскиот суд за човекови права во којашто го доби спорот против поранешниот шеф на УБК Сашо Мијалков, пратеникот Јани Макрадули вели дека е пред се потврда за една борба којашто ја воделе тој и мала група луѓе уште од 2006-2007 година. Како што вели, потешко му е сега отколку тогаш, затоа што не се искористил моментот.

-Тоа не е пресуда за мене, за некоја морална сатисфакција, туку пресуда против еден систем којшто постоеше во Македонија и начинот на којшто судот упропасти многу луѓе, многу повеќе од мене. Јас имав среќа да станува само за процес за клевета и навреда, во којшто партијата преку помош од пријатели ги надокнади трошоците. Многу луѓе изгубија здравје, вели Макрадули.

Според него, голема неправда е кога се чувствувате несигурно во системот како личност, семејство или колектив. Затоа очекуваотворањето на Поглавјето 23 од преговорите со ЕУ за правосудството да биде момент на поместување на работите во Македонија.

-Тоа треба да биде мотив за сите нас, како работиме во рамките на владата, како работиме во институциите и да се однесуваме поинаку кон тоа што е обврска, но и да градиме општество во коешто кој било граѓанин ќе може да го оствари своето право на правдина, изјави Макрадули.

Back To Top