skip to Main Content

Каракачанов: Ќе се застрелам со пиштол на плоштадот во Софија ако се докаже дека сум зел макар и стотинка за бугарските државјанства

Каракачанов: Ќе се застрелам со пиштол на плоштадот во Софија ако се докаже дека сум зел макар и стотинка за бугарските државјанства
  • 31.10.2018

Лидерот на Бугарската партија ВМРО Красимир Каракачанов тврди дека никогаш не зеле пари за издавање на документи за бугарско државјанство, туку секогаш ја бранеле каузата етничките Бугари од Македонија, Молдавија и Украина да добијат државјанство со поедноставена постапка.

-Ова е политички напад. Така реков и пред некој ден. Ако се докаже дека сум зел макар и стотинка, на плоштадот ќе се застрелам со пиштолот што го поседувам законски, изјави Каракачанов за бугарскиот портал „Епицентар“.

Во изјавата дадена во емисијата „Ова утро“ на БТВНовините, пак, по обвинувањата на новинарот и политичар Велизар Енчев, кој побара одговорност од него, призна дека предложил да биде уапсен и обвинет за корупција Петар Харалампиев, претседателот на Агенцијата за Бугарите во странство, но и дека тоа можеби би било грешка.

Според него, директорка на Агенцијата за Бугари во странство Катја Матева, која е член на Движењето за правата и слободите, е разрешена од Министерството за правда поради запирање на државјанството за етничките Бугари со приоритет на издавање на државјанство на турски државјани.

-Таа доброволно ги суспендира датотеките. Од 2016 година има истрага за тоа, но потоа на САНС (Државна агенција за национална сигурност) му е забранет пристапот до класифицирани информации. Нејзината политика беше да ги спречи Македонците да добијат бугарско државјанство и да им дозволат на турските граѓани да станат бугарски. Нејзината политика беше национално предавство”, рече Каракачанов.

Според лидерот на бугарското ВМРО, до криминалот со продавање на документи за државјанство дошло токму поради фактот дека Матева ја комплицирала процедурата за државјанство на етнички Бугари.

 

Back To Top