skip to Main Content
ТОП ВЕСТИ
Надлежности на претседателот на Републиката
Отворена телефонската линија кај Омбудсманот за пријавување повреди на избирачко право
Јонкер: Набљудувачите ќе бидат рамномерно распоредени низ државата
За победа во прв круг потребни над 900 илјади гласови
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ

Истрагата за „Империја“ е проширена на лажниот стечај на МПМ – СЈО во „Правда и неправда“

Истрагата за „Империја“ е проширена на лажниот стечај на МПМ – СЈО во „Правда и неправда“
  • 30.01.2019

Истрагата за случајот „Империја“ е еден од пообемните предмети и за сега е донесена наредба за истрага против 11 лица, но таа истрага, бидејќи трае, се проширува, вели специјалната обвинителка Лиле Стефановска.

-За одредени кривични дела и не може да се донесе наредба за истрага бидејќи се до пет години затвор и се преземаат истражни дејствија. Истрагата опфаќа долг временски период и ја делиме на два дела, еден во кој е само едно лице со неговите фирми, осомничени соизвршители, а вториот дел почнува од 2009 кој истражува коруптивни кривични дела, преземени и од функционери и предмет е кривичното дело перење пари, објаснува обвинителката.

Таа додава дека истрагата е веќе проширена, а интересно е дека дејствијата во предметот кој почнува во 2009 траат се до почнувањето на истрагата и во најскоро време ќе бидат повикани осомничените да дадат изјава и во два други дела, за две други истраги.

-Тоа се истрагата за лажниот стечај на „Графички центар“ и МПМ. Имаме кривични пријави за „Графички центар“ и од оштетени лица, но и самите разговори упатуваат на подоцнежните дејствија, рече Стефановска.

Како што објаснува, сопственикот на МПМ Срѓан Керим, според последните информации, е во Хрватска. Тој дал исказ и ја напуштил Македонија веднаш по повикувањето во СЈО, но во моментов не и е потребен на истрагата, а самиот доставил допис дека доколку биде потребен, ќе се јави во Специјалното обвинителство. Директорката на МПМ Јана Станислављевиќ е во Македонија и веќе дала исказ, додава Стефановска.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top