skip to Main Content
ТОП ВЕСТИ
Саливан: САД силно го поддржуваат Преспанскиот договор
Димитров и Саливан: Реафирмирање на американската поддршка на интеграцијата на Македонија кон ЕУ и НАТО
„Титаник 2“ продолжува на 26. декември кога ќе се слушаат телефонски разговори
Поднесени седум амандмани на уставните измени – од независната пратеничка група, Алијансата на Албанците, Беса и Мухамед Зекири
Тело за помирување: Амнестија ќе нема за организаторите, тепачите и вооружените лица на 27 април
1ТВ достапна на Тотал ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK

Амонијак од валкани мелни пелени во еден од становите е причината за лошата миризба во „Скопјанка“

Амонијак од валкани мелни пелени во еден од становите е причината за лошата миризба во „Скопјанка“
  • 19.09.2018

Специјална екипа на АРМ со специјална опрема пристигна и почна да испитува што е изворот на непријатната миризба во зградата „Скопјанка“ поради која беа евакуирани станарите, со поплаки за здравствената состојба.

Утврдиле дека станува збор за амонијак, а неговиот извор било големо количество валкани мелни пелени во еден од становите, коишто ја предизвикале лошата реакција кај станарите. Според првичните информации, во станот живееле две жени, од кои едната на возраст околу 90 години.

Амонијакот не претставува никаква опасност за здравјето и жителите ќе можат да се вратат во своите станови.

Службите ќе го исчистат станот од којшто произлегла миризбата на амонијак и ќе ја дезинфицираат целата зграда. Социјалните служби се известени за двете жени коишто живеат во станот и ќе преземат мерки за да им помогнат.

Во инцидентот, како што претходно соопшти командирот на Територијалната противпожарна бригада на Град Скопје Звонко Томески, нема повредени. Како што појасни, службата добила телефонска дојава од граѓаните за мирис кој што се ширел во ходниците од влезот по што веднаш на терен испратена е една екипа со пет пожарникари, кои пристапиле со евакуација на луѓето и при тоа употребиле заштитни маски.

– Миризбата што ја почувствувале граѓаните го иритира грлото и пречи на дишењето и беше неопходно станарите да се евакуираат на безбедно, рече Томевски.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top