skip to Main Content

Иванова подели пакетчиња на Детска клиника

Иванова подели пакетчиња на Детска клиника
  • 31.12.2018

Сопругата на претседателот Ѓорге Иванов, Маја Иванова денеска на дечињата кои се лекуваат на Детската клиника им подели новогодишни пакетчињата, посакувајќи им колку што е можно побргу да оздрават.

– Пакетчињата што ги подарив барем за миг ја вратија насмевката на детските лица, а на секое од нив му посакав една единствена и голема желба, а тоа е во новата година што побргу да оздрават, истакна Иванова.

Посочи дека, водена од семејните вредности и како сопруга и како мајка, во изминатите десет години несебично се вложувала преку нејзините активности токму на Детскатата клиника.

– Особено сум горда што зад себе оставам два големи проекти што се спроведоа под мое покровителство, а со голема финансиска помош на турската агенција „Тика“, тоа е отворањето на Детскиот ургентен центар и целосното реновирање на оддеделот за интензивна нега, нагласи Иванова.

Таа на сите им ги честита новогодишните и божиќните празници.

Back To Top