skip to Main Content
ТОП ВЕСТИ
Продолжува комисиската расправа за одземање на имунитетот на Вељаноски
В понеделник оставка од Котевски, но и извештај од истрагата за инцидентите
Манчевски: Неколку дена пред Конгресот на СДСМ ќе биде познат кандидатот за претседател
Осудените за „Диво насеље“ со отворено писмо до Ахмети, Груевски и Мијалков
Мицкоски: Поддршката за Силјановска Давкова е поддршка за правната држава
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ

Заев: Одлучни сме да ги подобриме условите за работа во Правобранителството

Заев: Одлучни сме да ги подобриме условите за работа во Правобранителството
  • 06.12.2018

Владата е решена да помогне за да се подобрат условите за работа во Правобранителството, им порачал премиерот Зоран Заев на правобранителите со кои денеска имал средба во Државното правобранителство.

Заев, како што соопшти владината прес-служба, посочил дека оваа институција е важна за државата и оти во соработка со Министерството за внатрешни работи е изнајдено решение за проблемот со обезбедувањето на Јавното правобранителство.

– Одлучни сме да ги подобриме условите за работа и да ја поддржиме модернизацијата на оваа институција. Тоа е составен дел во ефикасноста на процесите, што влијае и на останатите институции и животите на граѓаните, рекол Заев.

Апелирал правобранителите да сторат се што е во нивна надлежност да се динамизираат процесите на денационализација и да нема застој бидејќи од тоа бенефит ќе имаат и граѓаните и државата.

Покрај за можностите за подобрување на условите за работа, на средбата станало збор и за коефициентот за пресметување на платите на јавните правобранители.

– Правобранителите на средбата изразија благодарност за посетата и задоволство од поддршката на Владата за обезбедување кадровски и логистички услови за подобрување на работата на оваа институција. Обезбедувањето опрема за дигитализација на Архивата и на сите предмети што во иднина ќе се примат за работа и напорите да се воведе електронски систем се клучни за зголемување на ефикасноста, велат од Владата.

Државниот правобранител Фехми Стафа се заблагодарил за оваа прва посета на премиер на оваа институција.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top