Автобуската компанија „Дурмо турс“, чиј автобус се преврте на автопатот Скопје-Тетово испрати соопштение дека нивните возила се исправни и ги поседуваат сите потребни лиценци. Од компанијата изразија сочувство до семејствата на загинатите и побрзо закрепнување на повредените.

-Вчерашниот кобен ден е голема трагедија за компанијата, за повредените, за семејствата на починатите и за целата држава. Немаме зборови за сочуство на загинатите и семејствата. На повредените им посакуваме брзо оздравување. Очекуваме допрва институциите да излезат со конечна анализа и истрага за причините од трагичната сообраќајна несреќа“, велат од „Дурмо турс“