skip to Main Content
ТОП ВЕСТИ
Атина бара исполнување на сите обврски од Договорот од Преспа
Пратеници бараат изборен модел со една изборна единица
Тимот на СЈО разрешен, предметите во рацете на Јовески
ВМРО-ДПМНЕ бара смена на Русковска – на шефовското место да седи професор

Во Врховен расправа по жалбата на Митриновски околу неговото разрешување

Во Врховен расправа по жалбата на Митриновски околу неговото разрешување
  • 17.12.2018

Расправа по жалбата поднесена од Јордан Митриновски против решение на Судски совет донесено во повторена постапка по барање за негово разрешување од судиската функција на поранешниот претседател на Апелационен суд Скопје ќе се одржи денеска во Врховниот суд.

Првично расправата беше закажана за 12. овој месец, но беше одложена за денеска со цел да се овозможи присуство на јавноста на јавната седница.

Постапката е обновена по барање за повторување на постапката поднесено од Митриновски, а врз основ на конечна пресуда на Европскиот суд за човекови права- Application no 6899/12  Mitrinovski v. the former Yugoslav Republic of Macedonia.

-Согласно конечна пресуда од ЕСЧП и домашното законодавство,  органот кој ја сторил повредата на конвенцијата е должен да ги укине сите одлуки кои произлегле од постапка со која е утврдена повреда на Конвенцијата. Меѓутоа, Судски Совет на РМ постапувајќи по барањето за повторување на постапката истото го уважи во целост , но ги укина само Одлуката од ССРМ за разрешување на Јордан Митриновски од позицијата судија  и Одлуката на Врховен суд на РМ со која се одбива жалбата поднесена против одлуката на ССРМ  за разрешување на Јордан Митриновски. а неосновано и спротивно на домашните законски прописи, ЕКЧП и конечната пресуда на ЕСЧП, ги остави во сила  – барањето за разрешување поднесено од судијата ЈВ против судијата Јордан Митриновски и Одлуката со која се уважува барањето за отворање на постапка и се поведува постапката против судијата Јордан Митриновски, се наведува во соопштението од неговата канцеларија.

Back To Top