skip to Main Content

Владика Пимен: Во овие историски моменти ќе излезам и ќе го дадам својот глас „За“

Владика Пимен: Во овие историски моменти ќе излезам и ќе го дадам својот глас „За“
  • 19.09.2018

Митрополитот Европски, Пимен, се приклучи на кампањата „Излези ЗА европска Македонија“. Во кусото видео обраќање, владиката Пимен вели дека референдумот на 30 септември е историска шанса кога одлучуваме за иднината на земјата и затоа тој ќе излезе и ќе гласа „за“.

– Во овие историски моменти за Македонија кога одлучуваме за иднината на својата земја потребно е секој секому да подаде рака, да ги надминеме сите разлики и кавги меѓу нас, и да се обединиме во идејата за европска иднина на нашата земја. Ова е истриска шанска која не смееме да ја прошпуштиме. Затоа на 30-ти ќе излезам и ќе го дадам својот глас „за“, наведува владиката Пимен.

За претстојниот референдум, претходно се огласи и Синодот на МПЦ-ОА. По седницата одржана на 13 септември, Светиот архиерејски синод на Македонската православна црква-Охридска архиепископија, соопшти дека граѓаните на Република Македонија се политички зрели и оти на претстојниот референдум слободно по свое сопствено уверување ќе го остварат своето демократско право на избор.

– Светиот архиерејски синод на Македонската православна црква-Охридска архиепископија ја изразува својата доверба во политичката зрелост на граѓаните на Република Македонија, кои на престојниот референдум, слободно и по свое сопствено уверување ќе го остварат своето демократско право на избор, се наведува во соопштението од Синодот на МПЦ-ОА.са

Back To Top