skip to Main Content

Ахмети во честитката за 11 Октомври повика Македонија да го заокружи патот кон ЕУ и НАТО

Ахмети во честитката за 11 Октомври повика Македонија да го заокружи патот кон ЕУ и НАТО
  • 11.10.2018

Лидерот на ДУИ Али Ахмети во денешната честитка по повод 11 Октомври порачува дека Македонија сега има неповторлива можност да ја продолжи посветеноста на своите предци и да го заврши заедничкиот долг и макотрпниот пат кон интеграцијата во НАТО и Европската унија.

– Нашите денешни напори се само продолжение на напорите на нашите предци кои се построија на исправната страна на историјата и победија. Храброста и жртвувањето на паднатите борци и ветераните треба да ни послужи како патоказ за денешните одлуки зашто пред нашата генерација стои важна одлука за тие што ќе дојдат по нас, стои во честитката.

Според него, заедничките напори, тие пред 77 години и овие денес, секогаш победуваат зашто го претставуваат правиот пат, патот на единството, слободата, мирот, безбедноста и стабилноста, како и добрите меѓуетнички односи.

– Во духот на историските заеднички напори за слобода да дејствуваме заеднички за мирна, стабилна и сигурна иднина, со храброст, визија и одлучност за иднината на нашите генерации, апелира Ахмети.

Back To Top