skip to Main Content
ТОП ВЕСТИ
(Видео) Со дрон во Скопје откриен потпалувач на оган
Веќе е извесно дека завршница за предметите на СЈО ќе има
Вистиномер.мк: Химната не е отстранета од образовните програми за основците
Анѓушев: Едно семејство не може да живее со 200 евра плата, минималната плата мора да расте

Анкетата на Владимир Божиновски покажува дека 40% од граѓаните би гласале „за“ на референдумот, а само 22% против

Анкетата на Владимир Божиновски покажува дека 40% од граѓаните би гласале „за“ на референдумот, а само 22% против
  • 13.08.2018

43,2 отсто од граѓаните би гласале „за“ на претстојниот референдум, а 22 отсто „против“, покажува анкетата на Институтот за политички истражувања, каде координатор е политичкиот аналитичар Владимир Божиновски. Со ова ИПИС предвидува дека цензусот би се постигнал и референдумот би бил успешен.

Според анкетата спроведена помеѓу 6-ти и 10-ти август, само 22 отсто од испитаниците рекле дека ќе го бојкотираат референдумот, а 12 отсто одговориле дека не знаат како ќе гласаат.

Се забележува разлика помеѓу одговорите на етничките Македонци и етничките Албанци. Од испитаниците кои одговориле дека ќе гласаат „за“ на референдумот 32,4 отсто се етнички Македонци, а 80,9 отсто се етнички Албанци. Сепак помал е бројот на етнички Македонци кои одговориле дека ќе гласаат против, 26 отсто, а 27 отсто од нив одговориле дека ќе бојкотираат, објави Фокус.

Од етничките Албанци 10 отсто одговориле дека ќе гласаат против, а 1,9 отсто дека ќе бојкотираат.

Резултатите на ИПИС покажуваат дека доколку следната недела се одржат парламентарни избори ВМРО-ДПМНЕ би победила со тесна разлика. За опозициската партија би гласале 23,2 отсто од граѓаните, додека за СДСМ би гласале 22,8 отсто.

Споредбата со анкетата направена пред еден месец покажува драстичен пад во рејтингот на СДСМ. Пред само еден месец за СДСМ ќе гласале 26 отсто од граѓаните, додека за ВМРО-ДПМНЕ 21,3 отсто.

Анкетата била спореведена врз 1110 полнолетни испитаници на ниво на Република Македонија. Целта на истражувањата, велат од ИПИС, беше да се анализира ефектот на договорот со Грција врз поддршката кон политичките партии. Најавуваат следно (трето) истражување кое ќе биде спроведено и објавено на почеток на официјалната кампања за референдумот кон средина на септември 2018 година.

Back To Top