skip to Main Content

Адеми-Пломп: Северна Македонија и Холандија треба да ја продлабочат образовната соработка

Адеми-Пломп: Северна Македонија и Холандија треба да ја продлабочат образовната соработка
  • 02.07.2019

Северна Македонија и Холандија можат и треба дополнително да ја продлабочат образовната соработка, со програми и проекти кои ќе отворат нови перспективи за развој и интеракција, беше констатирано на денешниот работен состанок на министер за образование и наука Арбер Адеми со амбасадорот на Кралството Холандија во Република Северна Македонија, Вилем Вутер Пломп.

Министерот Адеми и амбасадорот Пломп ја проценија досегашната соработка во областа на образованието и направија ретроспектива на програмите спроведени со поддршка на Холандија, како и за позитивното влијание што ги имале истите во унапредувањето на образовниот систем.

Од прес-службата на Министерството за образование и наука соопштуваат дена на овој состанок беше констатирано дека нашите две земји можат и треба дополнително да ја продлабочат оваа соработка, со програми и проекти кои ќе отворат нови перспективи за развој и интеракција.

Во оваа пригода, министерот Адеми го информира холандскиот амбасадор за некои од клучните реформи кои се преземени со цел подобрување на квалитетот на сите нивоа на образование, како и со цел да се обезбедат соодветни законски решенија кои ќе гарантираат реализација на современи образовни вредности во нашата земја.

Целта на сите обврски и реформи што се преземени од страна на Министерството за образование и наука и Владата на Северна Македонија, како што истакна Адеми, е приближување на нашиот образовен систем со образовните системи на европските држави.

– Не помалку важно за остварување на оваа цел е градење на кадри со вештини и знаења коишто се потребни на пазарот на трудот, во земјата и во странство, се наведува во соопштението.

Министерот Адеми даде висока оцена за одличната работа и изразената дипломатска конструктивност на амбасадорот Пломп на функцијата амбасадор, кој со својата мудрост и зрелост даде значаен придонес во зајакнувањето на врските меѓу нашите две земји, како и во интензивирањето на соработката во областа на образованието преку разни форми на делување.

Адеми-Жбогар: ЕУ ги поддржува реформските процеси во полето на образованието

Министерот за образование и наука Арбер Адеми, денеска оствари работна средба со амбасадорот на Европската Унија во Република Северна Македонија Самуел Жбогар, на која било разговарано за законските измени и образовни политики на Владата.

Адеми, информираат од неговиот кабинет, го запознал евроамбасадорот со измените на Законот за основното образование и Законот за натсавници и стручни соработници за политиките кои ги креира Министерството за образование и наука за периодот кој претстои, како и за приближување на македонскиот образовен систем кон системот на образование во Европската Унија.

Евроамбасадорот Жбогар, истакнал дека Унијата ги поддржува реформските процеси кои ги презема Владата на Република Северна Македонија во полето на образованието, напоменувајќи дека тие се вистински партнер на земјава во нејзините евроатлантски аспирации.

Back To Top