skip to Main Content

Театарот од Ѓирокастро победник на фестивалот „Aлбански театар во Македонија“

Театарот од Ѓирокастро победник на фестивалот „Aлбански театар во Македонија“
  • 12.10.2019

Во Центарот за култура во Дебар синоќа заврши 18-тото издание на фестивалот „Албански театар во Македонија“. Жири комисијата на фестивалот  на кој дебарската публика имаше можност да проследи шест претстави на театри од нашава земја, Косово и Албанија, првото место за најдобра претстава ја додели на театарот од Ѓирокастро Албанија „Соседи“.

За најдобра режија наградата ја доби Елмазе Нура за преставата ,,Скржавец,, што ја изведе  театарот  од Урошевац додека наградите за најдобар актер и актерка ги добија Муса Исуфи и Дајана Мина, јавува либертас.мк.

На завршната вечер директорот на фестивалот „Албански театар во Македонија“ Илбер Нуредини  истакна дека 18 тото издание на фестивалот се реализирало со подршка на проектот од страна на Министерството за култура , но и со силна подршка на општина дебар, и повеке спонзори.

Тој истакна дека ќе продолжат да се правааат напори Дебарскиот театарски фестивал да се институционализира и Министерството да доделува доволно средства за негова реализација.

Фестивалот го затвори градоначалникот на Дебар, Хекуран Дука, кој истакна дека самиот факт што секоја вечер салата била преполна со публика, покажа дека Дебар го заслужува овој фестивалот кој цели 18 години по ред на љубителите на театарот им овозможува да просладеат бројни театарски престави.

Back To Top