skip to Main Content
ТОП ВЕСТИ
Јанева со полициска придружба замина за Гевгелија
Законски нејаснотии кој ќе управува со СЈО по приведувањето на Јанева
Судењето за „Монструм“ одложено за 5 септември
Се запали автубус на ЈСП во Ѓоче Петров
Косовското Собрание се самораспушти, се очекува датумот за избори
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Стрип-илустрирање на скопските митолошки јунаци и културни добра

Стрип-илустрирање на скопските митолошки јунаци и културни добра
  • 21.04.2019

Македонското студентско етнолошко друштво (МСЕД) и Град Скопје од утре ќе го продолжат проектот за стрип-илустрации на митолошките јунаци од Скопско, што го почнаа минатата година, а е наменет за средношколци и студенти.

– Проектот е осмислен како можност младинците од градот Скопје да се запознаат со етнографската и фолклорната литература поврзана со македонската и балканската митологија и да создадат илустрации за митолошките јунаци. Тие избираат претстава од народната митологија, и низ истражувачка работа за нејзините локални карактеристики, го илустрираат својот стрип лик, велат од МСЕД.

Во процесот на работа на илустраторите ќе им бидат организирани предавања од областа на народната митологија, истражувачките и цртачките техники. За проектот се предвидени 20 учесници од средношколците и студентите во Скопје.

Покрај овој проект, кој се спроведува втора година, Центарот за етнолошки истражувања и применета антропологија (ЦЕИПА) и Град Скопје од 15 мај ќе почнат нов проект за средношколци и студенти – „Културното наследство на градот Скопје низ кратки стрип приказни, Создај стрипоскоп!“

Во овој проект младите ќе истражуваат, учат и илустрираат културни добра на Скопје низ кратки стрип-приказни, а целта е да ги мотивира младите луѓе да се заинтересираат за културното наследство, да  изградат позитивен однос кон него и знаењата да ги претстават на креативен начин. Предвидено е да има најмалку 15 учесници кои ќе имаат предавања за културното наследство и за цртањето стрип-приказни, истражувања на терен и низ литература.

Back To Top