skip to Main Content
ТОП ВЕСТИ
Хан ја повика ЕУ да отвори преговори со Северна Македонија во најбрз можен рок
Могерини: Се надевам на позитивна одлука за преговори со Северна Македонија и Албанија
Рама: Пендаровски е претседател со кој треба да се гордееш, Мета не тера да се чувствуваме засрамено
Од денеска нови регистарски таблички со NMK
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Расказот „Потфрлување на топката“ под шифра „Горе главата“ добитник на наградата „Живко Чинго“

Расказот „Потфрлување на топката“ под шифра „Горе главата“ добитник на наградата „Живко Чинго“
  • 08.08.2018

Расказот со наслов „Потфрлување на топката“ на авторот под шифра „Горе главата“ е победник на конкурсот за најдобар расказ што општина Охрид го распишува во чест на охридскиот писател и раскажувач Живко Чинго.

Членовите на комисијата што ги оценува трудовите на денешната прес-конференција појаснија дека „Потфрлување на топката“ бил избран за најдобар во конкуренција на 50 други пријавени раскази.

– Во расказот се чувствува иновација преку збиена преисполонета нарација која е преточена во вид на сценарио низ која строго се движи главната мисла. Расказите ги задоволуваат критериумите на конкурсот каде преовладуваат актуелни, политички и социјални теми, истакна професорката Кристина Николоска.

За професорот Димитар Пандев „Потфрлување на топката“ претставува длабоко алегоричен расказ со збиен текст и многу игра на зборови и мисли, а главната идеја останува водечка.

– На извесен начин се открива клучната тема на интертекстуалноста не само во литературата туку и во животот, подвлече тој.

Наградата на лауреатот ќе му биде доделена на традиционалната манифестација „Вечер на Живко Чинго“ што се одржува секоја година на 13-ти август во родното место на Чинго, селото Велгошти.

Back To Top