skip to Main Content
ТОП ВЕСТИ
МВР: Одделенијата за управни работи ќе работат за викендите кога ќе се гласа за избор на претседател
Делегација на ПССЕ ќе го набљудува спроведувањето на претседателските избори
Бесплатна телефонска линија за пријавување повреда на избирачкото право
Почнува теренската вакцинација во основните и средните училишта
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ

Промоција на „Пикасо го изеде јаболкото, а тоа му рече благодарам“ на Данило Коцевски

Промоција на „Пикасо го изеде јаболкото, а тоа му рече благодарам“ на Данило Коцевски
  • 08.11.2018

Македонскиот ПЕН центар вечер во НУБ „Св. Климент Охридски“ ќе ја промовира книгата есеи „Пикасо го изеде јаболкото, а тоа му рече благодарам“ на својот член Данило Коцевски.

На промоцијата, закажана за 19 часот, ќе се обрати претседателот на македонскиот ПЕН центар Зоран Анчевски, а промотор на книгата ќе биде прозаистот и есеист Александар Прокопиев. Делови од книгата ќе чита поетот и критичар Ѓоко Здравески. На присутните ќе им се обрати и авторот на книгата, Данило Коцевски.

Книгата „Пикасо го изеде јаболкото, а тоа му рече благодарам“ содржи низа критичкотеориски текстови посветени на феноменот на дадаизмот, од кој произлегува и насловот на книгата.

Авторот се осврнува и на актуелни проблеми и дејци во областа на современата теорија и уметност, како што се поглавјата за Џојс и Дерида, Џојс и Набоков, Џојс и Јунг и др. Опфатен е и феноменот на изместените наративи во кои се толкува и прозата на познатиот француски писател Жорж Перек, како и одделни аспекти од делото на Данило Киш.

Во книгата се застапени осврти и толкувања на теориите на плејада современи теоретичари, меѓу кои: Тери Иглтон, Жил Делез, Жак Лакан, Барбара Џонсон, Жан Бодријар, како и за најновата постхумно издадена книга на Мишел Фуко за сексуалноста. Опфатен е и феноменот „Зошто молчи критиката?“ во текстот „Пост-метафизиката и пост-критиката, предизвици на критичкиот дискурс денес“.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top