skip to Main Content
ТОП ВЕСТИ
Хан ја повика ЕУ да отвори преговори со Северна Македонија во најбрз можен рок
Могерини: Се надевам на позитивна одлука за преговори со Северна Македонија и Албанија
Рама: Пендаровски е претседател со кој треба да се гордееш, Мета не тера да се чувствуваме засрамено
Од денеска нови регистарски таблички со NMK
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Музички документарци и јапонски и мексикански филмови во Кинотеката во октомври

Музички документарци и јапонски и мексикански филмови во Кинотеката во октомври
  • 03.10.2018

По завршување на филмската ретроспектива на Ингмар Бергман, која траеше од 28 септември до 4 октомври, од петок во Кинотеката на Македонија ќе почне програмата од фестивалот „Скопје синема сити“.

Ќе биде отворена од 19 часот со српскиот документарен филм „Како да беше некогаш“ на режисерот Душан Весиќ, биографски филм за култниот бенд „ЕКВ“ од Белград. Во терминот од 21.30 ќе биде прикажан „Звуци и тишина: патешествијата со Манфред Ајхер“ – швајцарски документарец за основоположникот и главен музички продуцент на музичката издавачка куќа „ЕСМ“ основана во 1968 година.

На 6 октомври од 20 часот е британскиот „Постигни или умри“ – филм за животната приказна на врвниот пијанист Ланг Ланг, а од 21.30 – францускиот документарен филм „Стив Рајш: Соочување со фазата“, посветен на еден од основоположниците на минимализмот во класичната музика.

Овој месец во Кинотеката ќе има проекции и во рамки на неколку фестивали: „Киненова“ (6-12 октомври); Филмски фестивал на духовни и хумани вредности „Богородичен покров“ (14-17 октомври); филмови по избор на Гете-институт Скопје („Викторија“ на 18 октомври) и  Францускиот кино клуб („М“ на 19 октомври).

До крајот на месецов во Кинотека ќе има и претставување на две национални кинематографии – Недела на јапонски современ филм (22-25 октомври) и Недела на мексикански филмови (26-31 октомври).

Back To Top