skip to Main Content
ТОП ВЕСТИ
Хан ја повика ЕУ да отвори преговори со Северна Македонија во најбрз можен рок
Могерини: Се надевам на позитивна одлука за преговори со Северна Македонија и Албанија
Рама: Пендаровски е претседател со кој треба да се гордееш, Мета не тера да се чувствуваме засрамено
Од денеска нови регистарски таблички со NMK
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Етно групата „Љубојна“ настапи на меѓународниот фестивал „Медитерански култури“ во Португалија

Етно групата „Љубојна“ настапи на меѓународниот фестивал „Медитерански култури“ во Португалија
  • 17.09.2018

Македонската етно група „Љубојна“ успешно настапи на меѓународниот фестивал „Медитерански култури“ кој синоќа заврши во португалскиот главен град Лисабон.

Настапот на групата „Љубојна“ е во рамки на соработката меѓу канцелариите на ЦИОФФ (CIOFF-Светска организација на фолклорни фестивали) од Македонија и Португалија, и со поддршка на македонското Министерство за култура, истакна Антонијо Димитровски, претставник на Република Македонија во ЦИОФФ.

– На Фестивалот учествуваа групи од Португалија, Турција, Грција, Италија, Хрватска, Словенија, Бугарија, Шпанија, Тунис, Србија, Франција и Либан, а единствен претставник од нашата држава беше етно групата „Љубојна“. Целовечерниот фестивалски концерт нашите претставници го изведоа на свеченото отворање на фестивалот и во рамки на главната програма, заедно со врвниот музичар Раби Абу Калил. Публиката во Лисабон беше воодушевена од музичката понуда,односно од досега снимените албуми, а неколку композиции беа адаптирани со медитерански аранжман, потврди Димитровски.

За време на фестивалот „Медитерански култури“ беа организирани и се одржаа пет посебни програмски содржини како асоцијација на пет човекови сетила, за вид, допир, слух, мирис и за вкус.

Во изминатите денови во Лисабон со поддршка на ЦИОФФ се одржаа стручни работилници и изложби, семинар на тема „Сегашноста и иднината на медитеранските култури“, а беше формиран и посебен Центар за антропологија, информираа од македонската канцеларија на ЦИОФФ со седиште во Битола.

Back To Top