skip to Main Content

Македонија

Апелација пресуди во полза на Сулејман Реџепи

Апелација пресуди во полза на Сулејман Реџепи

  • 05/10/2019

Апелацискиот суд Скопје ја уважи жалбата на Сулејман Реџепи и го укина решението на Основниот граѓански суд Скопје 2 во врска со назначувањето на Скендер Бузаку за нов поглавар на Исламската верска заедница.

Од Апелацискиот суд потврдија дека второстепениот суд ја уважил жалбата и предметот е вратен на повторно одлучување.

Скендер Бузаку денеска во Основното јавно обвинителство Скопје доставил докази, кои според него, покажуваат дека поглаварот на Исламската верска заедница, Сулејман Реџепи сторил кривични дела „перење пари“ и „злоупотреба на службена положба и овластување“.

Во ноември му истекува времениот пасош на Камчев

Во ноември му истекува времениот пасош на Камчев

  • 05/10/2019

Во ноември му истекува времениот пасош на бизнисменот Орце Камчев, кој е осомничен во случајот „Империја“, беше истакнато на денешниот брифинг со новинарите во Основниот кривичен суд Скопје.

Камчев го побара времениот пасош поради неодложни службени патувања и задолжителна едукација.

Македонското судство и двојните аршини

Македонското судство и двојните аршини

  • 04/10/2019

Кога требаше да се достави упатниот акт за во затвор за екс премиерот Никола Груевски, кривичен се вадеше на викенд, па тој во меѓувреме избега. Потоа Кривичниот суд Скопје 1 му определи притвор и тоа 18 дена по неговото бегство во Унгарија каде веќе доби азил.

Но со ред:

Тој првпат на обвинителна клупа седна на 16 декември 2016 година, како обвинет во случајот „Насилството во Центар“, а потоа се редеа и рочиштата за „Титаник“, Тенк“, „ТНТ“ и „Траекторија“, но освен првостепена пресуда за набавката на мерцедесот од 580.000 евра, со која беше осуден на две години затвор, останатите се „заглавени“ во доказна постапка.

Груевски во случајот „Титаник“ е обвинет за три кривични дела. За кривичното дело „злосторничко здружување“ му се заканува затворска казна од една до пет години. За „злоупотреба на средствата за финансирање на изборната кампања“ е пропишана затворска казна од најмалку пет години, а за „повреда на избирачкото право“, затворска казна од најмалку три години. Во случајот „ТНТ“, Груевски е обвинет за кривичното дело „злоупотреба на службената положба и овластување“ за што е предвидена затворска казна од најмалку три години.

Back To Top