skip to Main Content
ТОП ВЕСТИ
Собраниската Комисија утре ќе ја започне дебатата по уставните амандмани
Со дополнителни докази на одбраната продолжува судењето за „27 април“
Трајковски по посетата на Груевски во Будимпешта, без коментар пред денешното рочиште за насилството во Центар
Во Врховен расправа по жалбата на Митриновски околу неговото разрешување
Мицоткаис до Ципрас: Не ја спасивте Македонија, туку отстапивте македонска националност и јазик
Гутереш: Преспанскиот договор е пример за мирно решавање спорови
1ТВ достапна на Тотал ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK

Се уште без одлука кој ќе биде нов сопственик на „Телеком Албанија“

Се уште без одлука кој ќе биде нов сопственик на „Телеком Албанија“
  • 10.10.2018

Грчката корпорација ОТЕ, која е сопственик на 99,70 отсто од акциите на „Телеком Албанија“,директен партнер со „Дојче телеком“ потврди дека се уште нема никаква значајна вест која треба да се соопшти.

– Се уште немаме ништо важно што би требало да објавиме. Корпорацијата ОТЕ, врз основа на своите стратешки приоритети и деловни намери, постојано ги оценува своите средства, вклучувајќи ги и оние во Албанија. ОТЕ ги проценува можностите на пазарот за да создаде вредности за своите акционери, да обезбеди одржливост и да ги унапреди интересите на корпорацијата. Процесот на оценување и дискусиите за ова прашање продолжуваат и со други колеги, изјавил Костас Канакарис, висок менаџер за односи со медиумите во ОТЕ. 

На почетокот на овој месец, „Телеком Србија”, каде што српската влада има 58,11 отсто од акциите, го потврди својот интерес за купување на „Телеком Албанија” со понуда од 61 милион евра што и беше понудена на грчката корпорација ОТЕ и индиректно на „Дојче телеком “.

Албанската Влада  се изјасни дека не сака „Телеком Србија“ да биде нов сопственик на „Телеком Албанија“, а тоа јавно вчера го кажа и премиерот Еди Рама.

– Ставот на албанската Влада е многу едноставен и јасен: српските компании се добредојдени во Република Албанија, но не е и  во овој стратешки сектор, изјави Рама.

Тој додаде дека независно од тоа што албанската Влада не е дел од трансакцијата што ќе ја направи една приватна компанија ,како Дојче телеком, која се повлекува од малите пазари и врши продажба не само во Албанија туку и во други земји, сепак станува збор за  стратешки сектор и нормално е албанската Влада да се праша и од неа да се побара став.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top