skip to Main Content
ТОП ВЕСТИ
Германски печат: ЕУ земјите подготвени да ја прифатат само Северна Македонија
Расмусен: Земјите од ЕУ не можат да ѝ ја негираат на Македонија иднината што ја бара
Шекеринска: Земјава за една година направи скок од 23 места во однос на стабилноста
Новата амбасадорка на САД во земјава положи свечена заклетва
Сведок од УБК: До системот за прислушување се пристапуваше и надвор од МВР, од поранешниот Аеро клуб
Министерството за правда ги објави извештаите од надзорот во судовите за АКМИС системот
ОН: Светот до 2050 година ќе брои 9,7 милијарди луѓе
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Работилница за користење на 25 милиони евра од програмата ИПАРД 2

Работилница за користење на 25 милиони евра од програмата ИПАРД 2
  • 09.01.2019

Вкупно 25 милиони евра во рамките на два повици од ИПАРД 2 програмата им стојат на располагање на земјоделците, информираше директорот на Агенцијата за финасиска поддршка во земјоделството и руралниот развој Николче Бабовски.

Тој заедно со претставници од повеќе надлежни институции учествуваше на денешната работилница на тема „Користење на средства од Инструментот за претпристапна помош на ЕУ“, односно ИПАРД 2014- 2020 што се одржа во Тетово. Бабовски посочи дека работилницата е втора по ред и оти таа има за цел да ги информира земјоделците и сите други заинтересирани околу правилата и процедурите што треба да се почитуваат и следат при барање на поддршка од оваа програма за подршка од ЕУ при која земјоделците добиваат назад 50 отсто од својата инвестиција. Според него, многу е важно и земјоделците од полошко да добијат точни и навремени информации како регион со развиено земјоделство но и соодветна преработувачка индустрија.

– Од ноември тече рокот за пријавување за мерката 3 од оваа програма и тој ќе заврши на 29 јануари. Тука се определени средства во висина од околу 13 милиони евра за поддршка на производството на месо, млеко, живина, јајца, овошје, зеленчук, житарки, вино, оцет, млечни продукти, скроб и слично. Во мерката 1 со која сакаме да постигнеме моддернизација на земјоделското производство се предвидува поддршка во изградбата на складишта и магацини за добиточна храна, опрема за оранжериско производство, системите капка по капка, машини и опрема но не и набавка на трактори бидејќи за тоа беа потрошени сите определени средства уште во првиот повик. Тука на располагање на земјоделците им стојат околу 12 милиони евра или вкупно во двете линии околу 25 милиони евра, рече Бабовски.

Според податоците од оваа Агенција во првиот повик на програмата ИПАРД 2 биле прифатени околу 940 проекти на земјоделците со вкупна вредност од околу 18 милиони евра при што на корисниците веќе им биле вратени 1,4 милиони евра.

На работилницата во Тетово присуствуваше и директорот на Агенцијата за поттикнување на развојот на земјоделството од Битола Елгафар Јусуфи, кој потврди дека како и досега нивните вработени им се постојано на располагање на сите земјоделци за совети околу потребната документација и начинот на аплицирање за средствата од ИПАРД 2.

Back To Top