skip to Main Content
ТОП ВЕСТИ
Хан ја повика ЕУ да отвори преговори со Северна Македонија во најбрз можен рок
Могерини: Се надевам на позитивна одлука за преговори со Северна Македонија и Албанија
Рама: Пендаровски е претседател со кој треба да се гордееш, Мета не тера да се чувствуваме засрамено
Од денеска нови регистарски таблички со NMK
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Нови нископодни автобуси за ЈСП „Скопје“ со заем од ЕБОР

Нови нископодни автобуси за ЈСП „Скопје“ со заем од ЕБОР
  • 08.01.2019

Собранието попладнево на седница го донесе Законот за гаранција на Република Македонија на обврските по Договорот за заем за финансирање на набавка на автобуси  што ќе се склучи меѓу ЕБОР и ЈСП „Скопје“, со кое се овомзожува Јавното сообраќајно претпријатие „Скопје“ да набави нови нископодни автобуси. Со заемот од ЕБОР се обезбедуваат 10 милиони евра, а во набавката со 2 милиона евра сопствени средства ќе учествува ЈСП.

За 10-те милиони евра од ЕБОР заемопримач ќе биде ЈСП, Град Скопје ќе издаде општинска гаранција, а Република Македонија ќе издаде државна гаранција.  Рокот за отплата на заемот е 10 години, со вклучен грејс-период од три години. Каматната стапка е варијабилна и изнесува шестмесечен ЕУРИБОР зголемен за маргина од еден процент.

Министерот за финансии Драган Тевдовски соопшти рече дека законот е дел од програмата на Владата за сообраќај и предвидува промовирање на употреба на гасни горива од типот природен гас и пропан бутан, а целта е и да се стимулира јавниот и организиран превоз во Скопје.

-Набавката ќе овозможи обнова на возниот парк на ЈСП „Скопје“, кое во моментот работи со возен парк скап за одржување и значително придонесува кон загадување на животната средина. Со предвидената набавка се планира да се набават нископодни автобуси кои работат на компримиран природен гас, со голема економска исплатливост и еколошка предност во однос на карактеристиките на постојните автобуси. Набавката ќе придонесе за подобрување на квалитетот и пристапот до јавниот превоз, а пред се,  до значително намалување на трошоците за гориво и одржување и понатамошоно унапредување на практиките за заштита на животната средина, рече Тевдовски.

Пратениците од опозициската ВМРО-ДПМНЕ пред донесувањето на законот соопштија дека ќе гласаат за него затоа што сметаат дека квалитетен јавен превоз им е потребен на граѓаните на Скопје, но укажаа дека Владата треба да води подеднаква грижа и за жителите надвор од Скопје и да набави нови автобуси особено за поголемите градовите со голема загаденост.

Back To Top