skip to Main Content

Зголемена цената за паркирање за вработените во Клинички, за пациентите останува иста

Зголемена цената за паркирање за вработените во Клинички, за пациентите останува иста
  • 10.12.2018

Советот на Град Скопје денеска ја усвои одлуката со која цената за месечно паркирање за вработените во Клиничкиот центар се зголемува на 800 денари, додека цената за паркирање за пациентите останува иста.

Според градоначалникот Петре Шилегов, со ова се врши усогласување со цените што ги плаќаат граѓаните за услугите на ЈП „Градски паркинг“, а се очекува да се регулира сообраќајниот хаос во рамки на Клиничкиот центар.

– На Клиничкиот центар заради евтин популизам се издадени 1.500 месечни карти за кои вработените плаќаат повластени 300 денари во услови кога на паркингот има 670 места. За пациентите или корисниците на услугите на ЈП „Градски паркинг“ на Клиничкиот центар цената останува иста, истакна Шилегов.

Од Град Скопје посочуваат дека се планира изградба на монтажен паркинг на местото кадешто пред шест години беше ископана дупка за нов клинички центар.

На одлуката за зголемување на месечниот износ за паркирање денеска реагираше Синдикатот на вработените на Клинички центар, барајќи од министерот за здравство Венко Филипче да се заложи да се надмине овој проблем.

Back To Top