skip to Main Content
ТОП ВЕСТИ
Јанева со полициска придружба замина за Гевгелија
Законски нејаснотии кој ќе управува со СЈО по приведувањето на Јанева
Судењето за „Монструм“ одложено за 5 септември
Се запали автубус на ЈСП во Ѓоче Петров
Косовското Собрание се самораспушти, се очекува датумот за избори
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Грчкиот Парламент расправа за владиниот пакет позитивни мерки

Грчкиот Парламент расправа за владиниот пакет позитивни мерки
  • 14.05.2019

Регулирање на долговите преку 120 рати, намалување на ДДВ од 24 на 13 отсто и 13-та пензија за пензионерите, се дел од предлог законот за кој денеска расправа грчкиот Парламент.

Предвидено е пратениците утре да гласаат за пакетот позитивни мерки што на вонредна прес конференција минатата седмица ги соопшти грчкиот премиер Алексис Ципрас.

Со оглед на тоа дека од владините мерки за намалување на ДДВ беа исклучени кафето и соковите, опозициската Нова демократија денеска достави амандман со кој бара намелениот данок да се однесува на сите производи во угостителските услуги.

Пратеникот од Нова демократија, Јанис Вруцис, кој го достави амандманот во име на партијата, рече дека ДДВ-то треба да се врати на истото ниво како и во 2014 година, кога тие беа на власт, и ја повика владејачката СИРИЗА да гласа за нивниот предлог, а не за оној на Владата кој „не вклучува најмалку 55 проценти од производите во угостителството“.

Ципрас минатата седмица соопшти дека се намалува ДДВ-то од 24 на 13 отсто за угостителските услуги и за прехранбените производи во супермаркетите, намалување на ДДВ-то од 13 на шест проценти за струјата и природниот гас и воведување на 13-та пензија за пензионерите.

Според грчките медиуми, откако пакетот позитивни мерки ќе добие зелено светло во грчкиот Парламент, во сила ќе стапи следниот понеделник на 20 мај.

Back To Top