skip to Main Content
ТОП ВЕСТИ
(Видео) Со дрон во Скопје откриен потпалувач на оган
Веќе е извесно дека завршница за предметите на СЈО ќе има
Вистиномер.мк: Химната не е отстранета од образовните програми за основците
Анѓушев: Едно семејство не може да живее со 200 евра плата, минималната плата мора да расте

Вработените од ОХИС протестираа за неисплатените 24 плати

Вработените од ОХИС протестираа за неисплатените 24 плати
  • 16.10.2018

Вработените во ОХИС протестираа пред владата за неисплатените 24 плати и придонеси за 16 месеци. Фабриката пред околу месец и половина беше продадена на фирмата Хемиски инженеринг за сума од 7,1 милион евра без имотот кој претходно бил отуѓен во управни постапки. Според проценките на вработените, потребни се околу 6 милиони евра само за да се исплатат вработените, а тие стравуваат дека нема да добијат ниту 10 проценти од сумата која им ја должат бидејќи последни ќе бидат исплатени. Денеска остварија средба во владата, но од таму излегоа разочарани и најавија поголем протест идниот вторник.

„Многу сме разочарани, како може Владата да не знае дека ОХИС е продадена. Ништо не ни кажаа, изјави Здравко Боневски, претседател на синдикатот во ОХИС.

Најголемиот проблем, освен обврските кон останатите доверители, претставува одредбата во договорот со која се наметнува обврска фабриката да се исчисти од отрови од парите остварени од продажбата.

„Работниците се вознемирени бидејќи фабриката треба да се чисти од отрови на товар на продажбата“ рече секретарот на гранскиот синдикат СИЕР, Маре Анчева.

1ТВ се обиде да го добие стечајниот управник, но тој не одговори на нашите телефонски повици. Прашавме и во министерството за економија зошто прифатиле таква одредба во договорот за опродажба и дали сумата за која е продадена фабриката е доволна за да се обесштетат вработените. Од надлежното министерство не информираа дека одговорите ќе ги добиеме во текот на утрешниот ден.

Кристина Атовска

Back To Top