skip to Main Content
ТОП ВЕСТИ
Јанева со полициска придружба замина за Гевгелија
Законски нејаснотии кој ќе управува со СЈО по приведувањето на Јанева
Судењето за „Монструм“ одложено за 5 септември
Се запали автубус на ЈСП во Ѓоче Петров
Косовското Собрание се самораспушти, се очекува датумот за избори
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Анѓушев: ЕБОР е значаен финансиски партнер на земјата, продолжуваме со реализација на заеднички проекти

Анѓушев: ЕБОР е значаен финансиски партнер на земјата, продолжуваме со реализација на заеднички проекти
  • 16.07.2019

Тековните проекти што се спроведуваат со заедничка соработка на Владата на Република Северна Македонија и Европската банка за обнова и развој (ЕБОР), кои се однесуваат на регионално патно и енергетско поврзување, проекти од енергетскиот сектор, како и проекти за поддршка на малите и средни претријатија во земјата, беа тема на разговор наденешната средба во Скопје меѓу вицепремиерот за економски прашања Кочо Анѓушев и новоименуваниот директор на канцеларијата на ЕБОР  во Скопје, Анди Аранитаси, кој ќе ја преземе функцијата од досегашната директорка Анка Јоана Јонеску на 1 септември 2019 година.

Вицепремиерот Анѓушев, информираат од неговиот кабинет, му го честиташе преземањето на функцијата на Аранитаси и порача дека очекува соработката помеѓу Северна Македонија и ЕБОР да продолжи да се одвива со воспоставената динамика, пред се за обезбедување на развојот на економијата и обезбедување на подобар живот за граѓаните.

Анѓушев ја потенцираше добрата соработка помеѓу Владата и ЕБОР, преку која во моментов на територијата на нашата земја, во различни фази, се одвиваат десетици проекти. Анѓушев подвлече дека поддршката од банката е значајна за реализација на енергетските проекти за подигнување на нивото на производство на електрична енергија од обновливи извори, стабилноста на електроенергетскиот систем, но и за изградба на експресните патишта Крива Паланка-граница со Бугарија и Штип-Радовиш, изградбата на железницата кон Бугарија и други проекти кои се изведуваат во соработка со банката.

Соговорниците се согласија дека соработката ќе продолжи со интензивна динамика, во насока на унапредување на поврзанoста во земјата и со соседните земји, во поглед на патна, железничка и енергетска инфраструктура, како и за унапредување на условите за водење на бизнис и обезбедеување на финансиски средства, особено за микро, малите и средните претпријатија.

Back To Top